واحد وطن من غير ثلج - عبدالله الملحم
صحن (مَنْجَا)..
هنا سكّين .. وهنا منديل .. وهنا مسكين
أبد لاهو قدر يآكل !! .. وابد لاهو قدر يلقا .. بديل !!
من يكسر (برستيج) سهرة ..
ويَجْرَح لجل يبقى .. !!
بالضبط كان الوقت صمت ... و(ثلاْطعشر) حقيقة !!
بالضبط كانت أرضه (اسفنج) ... تمتص الدقيقة !!
بالضبط ماله عين تقرا ..
بس يشوف !!
بالضبط (يلعن أبو جد الظروف) !!
مساء الخير يا باشا ..
مسا قلبك ..
مرتاح ؟؟
( إيه ) ,,
( لأ )
مانيب !!
بس ياليتك تجيب :
واحد (وطن) من غير ثلج!! ..
مخلوط مع
( بيبسي)
وعلى حساب العهر .. عادي !!
من البادي ؟؟
أنا ؟ .. أو قمّة أمجادي ؟؟
وجب لي جمرتين ارجوك .. على راسي
ما يكفّيهم خفوقي !!
(أرقيله) من تحت الكراسي !! ... ولا ذاب
وانسى موضوع الحساب
.. العهر!! .. واللا مَنطِق !! والا على مِن/طَق بابك .. وشاب !!
أنا .. ماقد شكيت .. ولا بكيت .. ولا ترنّح ح ح .. (تك)
و(تِك) صوت الضلوع اللي تكسّر دون ماْترنّح
سمعت بْأذنك اللي ما تَعَرْف الا طرب (تك تك)
أنا يابْن ال... أنا يابْن ال... أنا يابْن ال... // أنا ماْسمح
عجزت القا يديني في يديني يوم صافحتك !!
عجزت ابقا بليّاني و بلساني عجزت اجرح
تعبت أتأمل شقوق السما ,, والمشكلة شفتك
بها تتأمل اشقوقي / فروقي .. كل ما أسرح
تبي تفتح ؟؟ .. تبي تفض البكارة من طهر وقتك
وش آخر هالشبق ؟ والدم كثيف و فيه ما نسبح
ثقيل الهم .. والأحلام ما ترحم .. ( واذا صمتك
وفا لك مشهده ما ظن يكمّل داخل المسرح )
أمانه مزمز الدنيا على الدنيا ولا تهتم
أمانه علم عيوني
إذا صاحت كذب .. تندم
أمانه في (البقا براسك)
كثير يقبلوا راسك !!
أمانه قلهم : اني
كرهت آكل لحمكم ني
وانا
من يسعد أيامي ..
ب(فجأة) فوق ما تصور
من اللي جاك معجب بك
لجل بالشاشة يتصوّر
أبي أبقا !!
معي سكين .. لو مسكين !!
وأبي لي جمرتين ارجوك .. على راسي
و كاسي .. لا ..
يجي به الثلج
كفا إحساسي البارد
أيا عَمّ العهر والطهر
تزوّج
دون أيّة مهر !!
لا منطق .. على مِن/طَق بابك .. حساب
وانسى موضوع العتاب !!
أيا عَمّ الرضا والذنب
ياْبن ال ... !!