رغيف الماس .. - عبدالله الملحم

يا من تتابعني على درب الندامة
بشّر عساك لغايتك يا غلا نلت

بشّر عساك اللي وصل بالسلامة
حطّيت ركبك بين الاوضاع ماملت

هذي ظروفي حافظتها كرامة
ماجيتك اشكي ، يوم انا شايلٍ شلت

همّي ، وهمّي لو رسم بي علامة
الصمت طبعٍ غالبٍ فيه لازلت

ولا تحسب انّي غافلٍ من غشامة
لا والله اني من فطانة تغيفلت

فكّر إذا صقرٍ تجاهل حمامه
وش نيّته قللي إذا انك توصّلت

أدري ، واغمّض وآتصيدد ويامه
سمعت حكيٍ ماقطعته وكمّلت

كنّي (مسَبّه) هايمٍ في هيامه
مير البلا في جلستي .. ما تعدّلت

أنا كذا ، والخبز آكله دامه
من صنعة ايديني .. وانا فيك قد كلت

واذا تبي تعرف دليل الشهامة
( لليوم آكل منك ماقمت غسّلت )

إحذر وقلبك كان انا إهتمامه
قلله على ربٍ خذاها توكّلت

وانّي أبصبر لين يوم القيامة
مهما بهالدنيا حملت وتحمّلت

أستر على من بيّنت لي عظامه
واجرّد دروبٍ بها قد تبهدلت

والوقت لو يدري بمن في زحامه
ما كان سوّا بي سواة بها قلت :

إنّي ولو طال العمر في عتامه
ببقى الوحيد اللي معايه تعادلت

لو أنتصر .. لو أنهزم .. يا حمامه
أنا رغيف (الماس) لو طحت أو طلت !