بنت اليهود - عبدالله الملحم
"بنت اليهود" اعجَبْتَهَا في حضوري
واناْ بْصراحة مغري لجنس حوّا
مالومها لو تلتفت في عبوري
أو سوّت الصّعب الليْ ما ينتسوّا
مُثير .. متماسك .. وحلوة عطوري
والخير واجد واْفزع لْمن تكوّا
تزيّنت وتْقرّبت من شعوري
وانا عجول بفطرتي مآتروّا
في ضيقها ما تاخد الاّ بشوري
وفْعزّها مافيه مثلي تهوّا
مارست معْهاْ (الحزن) .. كنّه ضروري
(الحزن) يضعفني وهي به تقوّا ..!
تقطف من اْجمل عمري اْجمل زهوري
أشيبُ وْتتشَبّب وجرحي تِبوّا
كل عضو في جسمي تمرّه ، ودوري
أناظر اللي سبّتي قد تلوّا
مقدر أعارضها أو اْجبر كسوري
والخوف يسري من عروقي لجوّا
لين انتهيت وصار مؤلم حضوري
مَاْجْرأ أحط عيوني بْعين حوّا .!!