أصبوحة الدين
أصبوحة الدين .. من يصبح بك انسان مدعي له
صبحك بياض وطهر واذكار وارزاق للساعي

وليلك مصابيح الكرم .. والعز والمجد قنديله
غنّت شواطيك لك في عيدك وضاعت اوجاعي

واتغنّجت صحرا الذهب .. يا سيف الأمجاد ويا خيله
واتساسر السّعْف بحيَا واتكاثر العشب للراعي

واتسوسن الرّيح بالبيرق وبحروف ترتيله
واتمختر الحب بين الناس وتوسّد اذراعي

يا قطعة من جوف النقا يا زمزم الوقت وتبليله
يا عين من كلّه نظر يا جنة المدعو والداعي

ياعدل عوج الزمن .. يا مرجع الأصل وتفصيله
ياخير وقفة ويا بعد النظر.. يا حكمة الواعي

ياللي غلاك بحياتي اقسم انْ صعب تبديله
ياغلى من العمر يا عمري ويا فلّة شراعي

عيدك بدا من دعوة المصطفى وهدي تنزيله
وصبحك بياض وطهر واذكار وارزاق للساعي