حسّسيني فيك - عبدالله الملحم
نتّف التوقيت جنحاني وجيت
جيتك امشي من بعد ما كنت اطير
ومو دليل انّي احبّك لك مشيت !!
الدليل انّي رغم هذا ( بخير )
كنّي اللي ماْنجرحت وماّنكويت
مثل مآنا باقيٍ عاشق .. واغير
هاه ؟؟ .. لا والله إنّي مانسيت
إنّك تْحبيني اكثر .. وبكثير
أدري بداخلْك رحمة لو قسيت
وان بك عصفور واغصان وخرير
إيه مدّي يدّك لخدّي فديت
نظرة عيونك .. وملمسْك المثير
حسسيني فيك أنثى .. بك حييت
وبك أموت .. وبك أصير وما أصير
للرجولة بي لك انتي شي مميت
وللأنوثة فيك والله طعم غير
معجبة باْصغر تفاصيلي ، وليت
تعرفي وش قد إعجابي كبير
في دهن عودك .. وعودك .. إنتهيت
كل لفتة من شعَرْك يهب خير
( مبخرة ) وانفاسك ( الصّنفي ) .. وجيت
جيتك امشي بحضنك كلّك واطير !!