سحايب وصالي - عبدالله بن سعيد الحارثي

حبيبتي والليل طيش وملذات
تسرق يميني صورتك عن شمالي

اجيك واللهفه مجاديف الاهات
اجيك واللهفه تفتق خيالي

تضمني ضم المقابر للاموات
وتهد حيلي مثل هد الجبالي

حبيبتي لاتتركي قلبي اشتات
وتشرّبيني وحدتي وانشغالي

يا ( نقترب) ونعيش والذات بالذات
او( نغترب) وانساك وابقى لحالي

وانسى من ايام الهوى فايتٍ فات
لو كان غالي ذاب في حب غالي

حبيبتي يوم اختصرت المسافات
جيتي بسكين الظما لاغتيالي

اموت واعرف وش تفيد الخطيات
والبير جفت والدلو في حبالي

انا علي اني رسمتك بالابيات
واهديتك الما من سحايب وصالي

وانتي بكيفك عرفي صدك انصات
واليا تذكرتي غرامي ...( تعالي )