اخترت الغياب - عبدالله بن سعيد الحارثي
مديت لعيونك مواعيدي وصافحت السحاب
واقبلت لك من غبة الظلما ومن صوت النحيب
ما هو على كيفي لو اني غبت واخترت الغياب
اختارت الغيبات خطواتي وقررت المغيب
يا توأم احلامي رميت الليل بعيونك شهاب
يوم الطريق اظلم علي وصرت من بعدك غريب
اصد عن وجهك واخاف ويمتلي صدري عذاب
واجيك طفل ولهفتي في داخل اعماقي لهيب
يالبسمة اللي تمطر الفرحة على روس الهضاب
يالنسمة اللي تطرب الورقا على الغصن الرطيب
ي الذ من طعم العسل وازكى من ازهار الجناب
واحلى من السكر ليا من ذاب في كاس الحليب
غيبت عن ظلك وصار الدرب بغيابك سراب
واقبلت مثل الريح مثل البحر والموج الغضيب
قلت العن الغيبة واجدد لك مواعيد الصواب
واشب لك من سدرة اضلاعي مواقيد النصيب
وامطر بلا راعد ولا بارق واجي مثل السحاب
اسقي عروقك حب وآنسيك عثرات المغيب