قلبك عمى - عبدالله بن عبدالعزيز العلوي
يا للي على حبي تبين البراهين
قلبك عمى ما شفتي دموع عيني
أشتاق لك وأنت بلا شك تدرين
هذي مواري جرحك العام فيني
رغم الجفاء بالحيل بالحيل غالين
يشدني رغم الجفاء لك حنيني
يا غالية لولاك ما هلت العين
حسبي على اللي صار بينك وبيني
فيك الوفاء والعطف واللطف والين
لا ضاقت الدنيا عليك اذكريني
الصبر لي عادة من سنين وسنين
غير الصبر وشعاد أنا في يديني