شاطر بالتحدى - عبدالله بن عبدالعزيز العلوي

انشهد إنك شاطرٍ بالتحدي
وانشهد انه غلطتي يا عشيري

حطيت قلبي شمعة لك تعدي
واحرقتني يومك عرفت المسيري

درب يودي يالغضي مايردي
تلقى على طبعك من الناس غيري

حفظت أنا عهدك وضيعت عهدي
الشوك لي والورد كله لغيري

أحرقت رسمك يوم يدك بيدي
واليوم ودي عن هواك استخيري

القلب يعطي مرةٍ مايردي
حبك تحكم واستقر بضميري

ذكرى سنين في دقايق تعدي
ويلاه من ضيم الحياة المريري