ايمه - عبدالله حمير القحطاني

آيمه .. صرت طير بدون ريش
بعد مامتي .. وطاح اكبر سنام

ولا هقيت اني اذاغبتي بعيش
يوم صار النور .. بعيوني ظلام

يا غشيش الوقت .. وش بك ياغشيش
تاخذ امي قبل توديع .. وسلام

وليش حظي طول عمري .. شين ليش
منحرم منها كبير .. وفي الفطام

فارقت بشويش .. واكثر من شويش
في نهار .. مات معها الابتسام

من هنا وهناك وهنيا .. عليش
دمعة .. ماخلت عيوني تنام

كانت امي نبض .. في صدري يجيش
وضحكة تملى عيوني بالكلام

كانت امي انس .. في ليلي الوحيش
وفي ثراها ادفن اجروحي .. القدام

وغابت .. وجتني كبار الهم جيش
وكبرت اوجاعي .. وشديت الحزام

ويش يسوي العمر .. او العمر ويش
بعدها يسوى .. ونيراني ضرام

ماتت امي .. بعدها وشلون اعيش
والليالي كلها ظلم .. وظلام