ضيا عيني - عبدالله حمير القحطاني
ضيا..عيني سكنتيني لحالك
ولا أحد في كثير الناس زيك
أشوفك بحر..وأترمى بجالك
وتروين العطاشى من رويك
نهاراتي على أهدابك تهالك
وليلاتي..تنام بحضن فيك
أشوفك غير..وعيوني سمالك
ولابه في سماواتي..سميك
واذا كاني عبرت أحدود بالك
فأنا يابعد أمواتك وحيك
ملكت لخاطر عيونك ممالك
وكلٍ قال:بالحظوة هنيك
احس أني غني..دامي قبالك
وينساني الفقر..مادامي غنيك
واذا هي بالحلا..يفتن جمالك
واذا هي بالرضا..قلبي رضيك
واذا سافرت يسبقني خيالك
ينور في عتيم الدرب ضيك
وش اذكر من حلاك ومن دلالك
وكل الشي..هو من بعض شيك
ولو ياطى على الصبخا ظلالك
نبت زهر القرنفل من وطيك
اغني لك ويطربني الغنا لك
على لحن الصبا..واندى نديك
هلابك..ياهلابك..ياهلابك
أحبك..وانت ماقد خلق زيك