ما أبيك تمدحني - عبدالله ذويبان
ما جيت أبمدح وقفتك و تذمني
و لا أبيك تمدحني و لا أبغى اذمك
أن كان خصيتك ما أبيك اتعمني
أشوفني أقرب من ابوك و عمك
يا كثر ما ثار الشعور و غمني
القلب همك او قصيدي همك
لما تسولف للعروق اتزمني
و أحس دمي يختلط في دمك
أنا اكتشفت انك كثير أتهمني
ضحكك سكوتك كلمتينك غمك
ياما حفظتك و انت تكفى صمني
علمني اشلون اتعلم ضمك
أرجوك قل لي و انت أبوي و سمني
انا صحيبك و الا انا مهتمك
أبيك بعثرني غرام و لمني
بسكن بقلبك و أسقني من جمك
أغسل عروقي من الذنوب و حمني
و طهر يديني و أحوني في كمك
أرجوك تكفى في يدينك ضمني
حسسني أكثر و اجتهد في لمك
كبر بقلبي بأستقيم و آمني
و أبعتدل خلفك و قلبي يمك
مدري شعوري في شعورك خمني
و الا تحب و ما نطقها فمك؟!