جمرتين الغرام - عبدالله عبيان

هزّي الغصن لانامت طيور الحمام
الشتاء طال وآنا مانسيت وعدي

بارد الليل حرّك جمرتين الغرام
لين ذاب الجليد وسال معْه شهدي

ذعذع الشوق والدنيا بعيني الظلام
والوتر جا يناديني وجيت آعدي

في خيالي كلام وفي لساني كلام
يشعل الليل ويسامر بريق الجدي

ليه أقول السهر ياشوق لجلك حرام؟
!ليه وانتي هواي وعزوتي وبلدي

نامت العين ولاجعلها ماتنام
دامها عامره بك والقلم في يدي

والله اني لاصحّي الورد تحت اللثام
لين يزهر لك بساط الورق لحمدي

خلّي احلى البنات تقول لك ياسلام
ماكتب هالكلام شويعرٍ مبتدي

ايه قولي لها انه شاعرٍ مستهام
يكتب الحرف والجرح بخفوقه ندي

يعشق الريح لاجاته تزف الغمام
وان تمايل له النرجس يقول إبعدي

لجل عيني كتب وآنا لبسته وسام
وانحنيت احترام وقلت له سيدي