انا عارف وانت عارف - عبدالله عطية الزهراني
انا عارف وانت عارف
كل ماخلف (السوالف)
من بداية انفجار (الكبت) في قلب ال ش ظايا
لين اخر (نقطة) (ن) كانت بمشوار النوايا
كلّنا ثرنا (مع) او (ضد) واظهرنا الخفايا
وماحزنت ان كنت انت (الضدّ) او صوتك (معايا)
وانت عارف كل ماخلف السوالف
وانا عارف
سامح الله الأحبه
سامح الله من (نحبه)
كنت اظن اني اذا اخطيت بلقى قلب واسع
بحر شاسع
مايصل لأقصاه (ذنبي)
وحين اطيح ألقاه (جنبي)
ياخذ ايديني (بودّ) ولا يعاتب
لا ولا يشره على (رجّال غاضب)
قال (طزّ) ف كل صاحب
عندما طيّر حمام السلم واستنهض (محارب)
وانت عارف
وانا عارف
كل ماخلف الستار
وكل ماخلف السوالف
انحنائي لإحترامك مايقلّل من مكاني
(لكن ارفض كل قانون (ن) اناني)
حاول (التشكيل) لإنسان (ن) (تشكّل)
بحجّة التعديل نحو الحال (الأفضل)
اي افضل؟
مابقى الا اترك لك اقلامي وتكتب بالنيابه
انت تكتب ثم تنسب لي الكتابه
(قمّةالإحباط) عيش (ن) في رتابه
وانت عارف وانا عارف
كل من خلف الستار
وكل او بعض السوالف
لاتكابر
لا تساوم عالشعور ولا تقامر
مايزال الكون واسع
والفضا اوسع وانا ثاير مغامر
والمغامر ما يقيّد خطوته حارس (مقابر)
وانا ألغيت المقابر
طالما هالراس (حيّ)
وطالما هالصوت (حاضر)
وانت عارف
وانا عارف
كل ماخلف الستار
ووش نهاية هالسوالف