لعب كبار - عبدالله عطية الزهراني
ليا من جيت صدّتني وانا ابيها
واذا قفّيت ترسل لي : متى الجيّة؟
واجي وارمي فؤادي عند رجليها
واذا استسلمت قامت وافترت فيّه
وانرفز واحلف اني ما ألتفت فيها
واعاهد عالجفا لو هي جنوبية
واخطّط للرحيل وهجر اراضيها
رحيلي خير من عشقي ل جنّية
واذا قفّيت عنها مدّت ايديها
وسوّت نفسها متمسّكه بيّه
تبي تعرف انا وش كثر مغليها
تسوّي نفسها ماتت وهي حيّه
واذا عوّدت صدّتني وانا ابيها
واذا صدّيت قالت لي : متى الجيّة