مسرحية الليل - عبدالله عطية الزهراني

اسدل الليل الستار
مسكني زحمة اواني
امتعه اغراض اعزب
كم كتاب,وكم جريده كم مجله في مكاني؟
ماادري غرفة نوم والاّ
(مطبخ ومجلس ومكتب)
اسدل الليل الستار
احذيه جنب الجدار
وريحة اعقاب السجائر فايحه من كم نهار
اسدل الليل الستار
وارتمى راسي على اطراف المخّده وانتثر بعض الغبار
في شراييني متاعب
داخلي همّ (ن) مشاغب
والفراش اللي حواني ماحوى الاّ شخص واحد
يسكنه مليون صاحب‍‍‍‍
اسدل الليل الستار
وافتح بالصدر مسرح
وابتدا صرف التذاكر
وابتدا الجمهور يتوافد وانا ساكت وصابر
وابتدا صدري يضيق‍
قلت ب انزع هالضلوع الناحله وافتح طريق
وقلت (ب ارمي خافقي) واترك مكانه ل أي صديق
كنت انا ارمي ايّ قطعه داخلي وافرد مساحه للجماهير الغفيره
وكان جمهوري يزيد
كنت انا اتناقص وجمهوري يزيد
كنت انا اتساقط وجمهوري يزيد
كنت انا اتلاشى وجمهوري يزيد
كنت
انا اتلاشى
وجمهوري
يزيد
كنت
انا
اتلاشى
وجمهوري
يزيد
لين متّ
(قبل تبدا الأمسيه) ‍‍