الفرج يارحمن - عبدالله عطية الزهراني
تضيق لكن كلما ضاقت الحال
وانصكّ بابٍ ينفتح عشرة ابواب
احيان ما تلقى بجيبي ولا ريال
لا قيمة اللقمة ولا غسلة ثياب
واحيان تلقاني سند كل رجاّل
لاصار حالي زين وحسابي حساب
الرزق قسمة والعطايا لها احوال
والفقر نقمة والخساير لها اسباب
والناس تتحارب على جمع الأموال
وما كنّ تالي كل هالناس لتراب
واللي خلق آدم من الطين يارجال
وانزل على خير العباد آخر كتاب
انّي ثري وان كنت محتاج للمال
دامي بخير وحولي احباب واصحاب
النعمة الكبرى إهي راحة البال
عز الله المحروم من عاش مرتاب
يالله دخيلك كلما ضاقت الحال
تفك لي صوب الفرج عشرة ابواب