مداهمة - عبدالله عطية الزهراني
فتّشوا صدري وجوفي وحتى الحنجره
فتّشوها مالقوا إالا حروف ومحبره
داهموا كامل عروقي وداسوا جثتي
حاصر اطرافي جنود القصيد وعسكره
واكتشفت ان المفتّش يدوّر عالقصيد
كان يسرق بعض شعري ويملا دفتره
كان يرفع كل قرطاس حتى لو بسيط
وكان ينثر كل درج ن يشوفه ناظره
قلت يا قايد جنود القصيد اهلكتني
كل ماتاصل يمينك لشيّ تبعثره
ليش تنثرني وترضى لشاعر بالشتات
ليه اذا صادفت باب ن مسكّر تكسره
يا امير الجند والله مافي داخلي
تحت هذا الجلد ايّة قصيده فاجره
لاتحاصرني بجندك وتعبث في حشاي
الحشا طاهر وكل القصايد طاهره
كلبشوني جرجروني وراهم بالطريق
وادخلوني في دهاليز او قُل مقبره
قلت بالله اخبروني عن الذنب العظيم
ليه انا ادخل في متاهه عظيمه مقفره؟
قال سيد الجند ياخاين اوراق القصيد
تبّت ايد الشاعر اللي حياته سمسره
بعت نفسك خنت حرفك خدعت الطيبين
كنّها اشعارك بضاعه وجوفك متجره
ادخل السجن انكسر خلف قضبان الحديد
واي بيت ن ينتمى لك تنكّر وانكره
حاول انّك ماتكون انت لا لا لا تكون
شيل وجهك من عيونك وحاول تستره
تبّت ايد الشاعر اللي يخون المفردات
تبّت ايد الشاعر اللي يخون المحبره