الشاة - عبدالله عطية الزهراني

لي صاحب ن كان يرعى داخل اضلاعي
وماقد منعته ولا عيّبت بأطباعه

اصبر على زلته واتحمّل اوجاعي
واقول ذا القلب ملكك كثّر اوجاعه

كافحت واعطيت حتى شانت اوضاعي
والمشكله يوم شانت زانت اوضاعه

تبدّلت نبرته في داخل اسماعي
وداس الغلا والولا والروح ملتاعه

شاف انّ قربي منه ماعاد له داعي
واعلن رحيله بعد ماحقّق اطماعه

وليته تركني ولا عيّب في اطباعي
ليته حفظ بعض بعض الود ماباعه

لكن قهرني وحاول يلوي ذراعي
من عقب عهد الوفا والسمع والطاعه

وهذي قصيدة شموخ بدفتر ابداعي
اكسر بها عزّته وألوي بها ذراعه

لا صارت الشاه تنطح جبهة الراعي
فالله يسهّل علينا قامت الساعه