مذكرات اعزب (1) - عبدالله عطية الزهراني
(1)
يوم تلقاني منغنغ
يوم تلقاني مفّلس
شَبْ عشوائي وطايش
بسّ عايش
(2)
ليلة البارح سألتيني عن اسمي
قلت انا عبدالمجيد
اذكر انّي قلن انا (عبدالمجيد)
وانّي اعمل ف الوزاره
اي وزاره
اعتقد قلت التجاره
وانّي انسان ثري بالحيل والصحة حديد
صدقيني كنت انا اكذب
كنت انا ألعب
كنت انا أنصب
وكل مرّه لي هويه
ألغي الأمس المهاجر
وانتحل وجه جديد
واسمي اليله (وحيد)
(طنّشي عبدالمجيد)
(3)
ماقلت لي يااستاذ
ليه الحقيقه دايما اقسى من الفولاذ؟
ما قلت لي يااستاذ
ليه الرصيف الملتهب يطفش من (الشحاذ)
وما قلت لي ياستاذ
(منو الغبي اللي غلط وناداك بالاستاذ؟)
(4)
مااقدر اكون الأ فقير
اخذ من اطراف السما شرشف ومن دربي حصير
واتوّسد ايديني وانام
اتوسد اضلاعي وانام
واتوسد اوجاعي وانام
(مثل الذي نايم على افخم سرير)
(5)
الحداثه ماتكون الا اذا قلنا عن الخمسه ثلاثه
(6)
بالدراهم تشتري كل المصاتع والمطابع والمنابع
بالدراهم ينفرض اسمك علينا في الصحافه والأذاعه والشوارع
وكل خلق الله تقلك انت رايع انت رايع
(والحقيقة ماتخبّى انت ابو السبع الصنايع)
(7)
شريت لي طير خفت انّه يطير
نتفت ريشه وغافلني وطار
تخيل انه ترك ريشه وطار
(اذاً طبيعي اذا طار الحمار)