مقاطع ماتت - عبدالله عطية الزهراني
زوايا
ليلة البارح سألتيني عن اسمي قلت انا عبدالمجيد
اذكر اني قلت انا عبدالمجيد
واني اعمل يالوزاره
اي وزاره,اعتقد قلت التجاره
واني انسان (ن) ثري بالحيل والصحه حديد
صدقيني كنت انا اكذب
كنت انا ألعب
كنت انا انصب
وكل ليله لي هويه
ألغي الأمس المسافر وانتحل وجه (ن) جديد
واسمي الليله وحيد
(طنّشي عبدالمجيد)
فلسفه
ياعزيزي كيف تجتاز الخواجه وذا شماغك انجليزي؟
انت ثور
بقعة التاريخ الأسود ما يبيّضها الكلور
اي واحد ماتباه سلّفه واركض وراه
اي (ابله) تقترن بإنسان واعي تجعله بالآخر (ابله)
نجلا
ريق نجلا غزير (ن) سكّره
ووجه نجلا به الملح الغزير
كيف ضدّين تجمعهم مره
في تفاصيل هيكلها المثير؟
استثارت شعور ومحبره
واستفزت عصافير وغدير
واخرجت من حدود المقبره
شاعر (ن) كان مجهول المصير
ايه نجلا وحبّي مااكثره
ايه نجلا لها الحب الأخير
صافحتني وهي مستكبره
وما يهزّ الكبير الا الكبير
واقبلت مثل غيمه ممطره
لين خلّت في اعماقي غدير
عقبها كل مااصادف مره
اكتشف انّ نجلا جدّ (غير)