يمكن أموت - عبدالمحسن بن سعيد
يمكن الشمس طفل وكانت ثيابه ورق
وشب في نفسه المسكين من كثر البراد
ويمكن البحر عين ٍ صابها طول الأرق
ماغفت من بكاها لين مأزّرق السواد
القلم ياحبيبي فاس والحبر العرق
والسحابه ثدي ترضع تل والعشب المهاد
وقلبي الموج والصدر البحر وانت الغرق
ابتعد عنك والقا القرب ساكن فالبعاد
ياحبيبي ياحبيبي ياحبيبي وأحترق
بيت واحد من قصيدي وأمست الدنيا رماد
ياحبيبي والقمر ثوب الليالي وأنخرق
وأنت ياحبي لك تحب المناكف والعناد
تدري عاد مسامحك لوضاع عمري وانسرق
وإلا انت أعرفك يابحر ماخنت يوم السندباد
يمكن الله يجمع اللي لك تشتت وأفترق
والمحل يمكن يكفر لك ذنوبك يالجراد
ياحبيبي وأنت ظلك كل مالاح وبرق
ادري ان الحب جا يسمع حكاية شهرزاد
ويمكن الشعر فرحه بانت بعين الورق
ويمكن ان قلتي براد أموت فعيون البراد