حطين - عبدالمحسن بن سعيد
حطين بابل إرم وشيوخ نجد وسبأ
قريت عنهم بعينك يوم كحلك يسيل
وحلفت بأن الشعر في وصف غيرك غبأ
وبأن أكبر الناس حظ اللي بحبك قتيل
إن قالوا الشمس فيها منك قلت تهبا
ولو مانشمك قبل تاصل بليله قليل
ياحبي اللي غرامك في عروقي دبا
كريم انا بس مهما قلت أحبك بخيل
الصبح والليل ومسيان منك تعبا
إن جيت ضاعوا وصار الوقت طرفٍ كحيل
كم حاش رمشك وأستبد وسبا
وكم خلفت بسمتك مجنون عاشق عليل
وكم طفل باسك بحلمه وأستدار وحبا
وكم شايب أمسا شباب وجاك يصهل صهيل
مالومهن لو يغارن منك كل الضبا
مزيون فتان مترف ذرب هرج وطويل
الله ياجرحي اللي من زمان الصبا
القلب راوي غلا والجسم ضامر نحيل
حطين بابل إرم وشيوخ نجد وسبا
تاريخ أخونه وأكون لطرف عينك عميل