مع كل احترامي - عبدالمحسن بن سعيد
تشبهين النور لكنك ظلامي
وتشبهين القرب لكنك بعيده
والله اني كل مأبدا في كلامي
عنك زادت في دواويني قصيده
وكان ماوضّح لك الشعر اهتمامي
فلاسقا الله من قصيده مايفيده
وأنت يامولاي مع كل احترامي
كيف شعبك بالهوى تقبل تبيده
قلت لا تشرب وأنا ماقلت ظامي
وفي عيوني ماتت الدمعه شهيده
قلت لك والموت ساكن في عظامي
ولاتداوي الجرح لكن لا تزيده
آه ياضيق ٍ على الصدر مترامي
كم لنا نرجي زمنّا يوم عيده
وقّض الشمع الدموع وقلت نامي
وقمت اغني اغنية همي الوحيده
أدري انه شافني بس متعامي
وادري ان القلب مايكره وريده
ومن درى ان الفرحه اكبر من مقامي
أعتبرني الحزن واحد من عبيده
آه الى جا طيفك وضعت بغرامي
وصرت أقرا العين وابكي بالجريده
واصبعي لأشّرت يمّك باتهامي
حنّتك كفٍ معي صارت عنيده
مانصبتك في هواهم ياخيامي
والله ابخص بالعيون ومن تصيده
كيف وانت القلب افكر بإنتقامي
وين ابلقا عنك لي روح ٍ جديده
رح وأمانه بلغ الدنيا سلامي
والمشاعر قلها (فرصه سعيده )
ياحياتي وابتدا الحفل الختامي
والخطأ كني اعيده لجل اجيده
في خفوقي نور وبدمي ظلامي
وان مشيت القرب خطواتي بعيده