بيني وبينك صخب - عبدالمعطي البدراني
بيني وبينك صخب ووجيه مجتمعة
وعيون ليلٍ تفتش عن قلم واعي
ماتلفتين إنتباهي كود مستمعة
لـ أوسم قصيدة تنام بلاد فـ ذراعي
ليلة تسولف خداع النار للشمعة
تشّكلت من جديد بمتحف أوجاعي
وجيه شمع لها في دفتري لمعة
أنظف من أوساخهم وأقبح من طباعي
بيني وبينك سؤال ٍ مانفع قمعه
لإجابةٍ ترتحل في ذاكرة راعي
وأقسى من إني وأدت بناظري دمعة
بنت البكا للثرى والعار لإصباعي
وأقسى من إني جراب سيوف ملتمعة
أمٍ تولول ، تشق الجيب بوداعي
ياميمت يحب إنثريني وإمنحي جمعه
ليدين من ترتمي في غيهب أوضاعي
ومرت هديل السؤال الـ ماجرح سمعه
إلا أنا والسراب اللي جرح قاعي
مرت تهز النخيل لناس مجتمعه
وتهزني وآتساقط والقلم واعي