وطن إنسان - عبدالناصر العالي

ممكن تخليني على صدرك ارتاح
واقول كل اللى مضى من همومي

خليني ابكي و اشتكي كلي اجراح
مبطي وانا ماقول لحدٍ علومي

الدمع عزي وانكسر كل ماطاح
ماكني الا شيخ ضاعت سلومي

يمكن في قربك سود الأيام تنزاح
لنّي تعبت من الزمن والرخومي

اذا سألوني قلت طّيب ومرتاح
وانا لبست الحزن لبسة هدومي

امشي وليلي كله هموم و اشباح
والصبح صبرني اواصل قدومي

يعني معه و امشيه لا وقت الاصباح
ليلٍ هلك من وحّشْته العزومي

غريب جيتك اشتكي قل الافراح
انتي وطن انسان كان محرومي

خليني اشكي من عنا الوقت و ارتاح
وابكي على صدرك و ابيّح همومي