عليك أخاف - عبدالناصر العالي

ودي اجيك من التعب ثم أضمك
وتشوف أنا وشلون عايش بلياك

قربك عطر ودي من البعد أشمك
أخاف يبرد مابقى لي بذكراك

أبنثرك في عروق قلبي ولمك
وأحسسك بالحب في يوم لقياك

باقي معي أغلى هديه تهمك
صورتك كاتب فوقها مقدر أنساك

متى يزين الوقت وأكون يمك
اقلها اعرف ظروفك ودنياك

ياليتني في أنفاس روحك ودمك
أبقى معك وأعيش الأيام وياك

ياكثر ماني بغربتي شلت همك
انشد نجوم الليل من عقب فرقاك

عليك أخاف أكثر من أبوك وأمك
والله ماتلقى مثل قلبي أغلاك

مارتاح أنا من الوله لين أضمك
وأعلمك وشلون حالي بلياك