ام رقيبة - عبدالواحد الزهراني
يا سعوديين ما هو للهياط ولا لجلد الذات
صدق الله والرسول وكنت صادق يالملك عبد الله
يوم قلت المنطقة تجلس على برميل من بارود
ما يفصلنا غير كم كيلو من أقرب قنبلة ذرية
من تعاستنا وقعنا بين ديمونة وبوشهر
قبل كم من شهر كنا نحتفل بمزاين أم رقيبة
يوم حفلة جايزة نوبل ويا صعب المقارنة
لا هنا قدام كم يوم الجزيرة كلها مشغولة
تنتخب من بلد المليون شاعر شاعر المليون
والمصيبة يوم جا تقرير صنف جامعات العالم
كنا فآخر منزلة بين الثلاث آلاف جامعة
وش يكون الحال لو تنشق الأرض ونفطنا لو ينضب
والا خطة من خطط صهيون تدخل حيز التنفيذ
منطقتنا تحترق وتمر بأخطر منعطف تاريخي
وإحنا ما نسمع ولا نبصر ولا نعقل ولا نحس
ما ادري وش بلّد مشاعرنا ومن خدر عقولنا