قطر - عقاب الربع
الحب لو يندفق مايندفق في شطر
أبلغ من الشعر والفكره وكراسها
ياحبر دامك سريت بليل نص السطر
اكتب عن الدوحة الخضراء وعن ناسها
عن سر رحمة حمد بالناس زي المطر
الطيب ماهو ب سر وطيبته ساسها
بني تميم النقا المشهود يوم الخطر
ياعل تكثر مع الأجناس اجناسها
دوحة قطر من يحب ؟ ومايموت بقطر
الا حسودٍ يدين الخير ماباسها
في عيدها نستعيد اليوم عيد الفطر
اوسع من الواسعه وارحب من قياسها
ياطفله العيد عيدك ماتحده أُطر
تبختري طفلةٍ هالعيد نبراسها
شفتك من الحب تلويحة سحاب ومطر
ليازرعتك قصيده فاحت انفاسها
يادوحة العشب الاخضر وانسكاب العطر
فيك القصايد تميل بوارف احساسها
وانا هنا لو يقولوا من يموت ب قطر
اقول ياعلنّي فدوه لنسناسها