لاتسوّد - علي السبعان
لا تفاول قاصدك نظرة جفاك
بيّض الوجه وتجمل لا تسوّد
لا تسوّد في الدخيل اللي نصاك
للسنا دهشه وطرفه ما تعــوّد
ما تعــوّد تجرحه لحظة لقاك
وان جرحته غاب غيبه ما يعــوّد
ما يعــوّد من وطا درب الهلاك
الظما يغتال رجل ما تـــزوّد
ما تـــزوّد غير جرح من غلاك
لا طعنته قال من لوعته ز وّ د
ز وّ د القلب المعنى من عناك
يا عسى نود المواصل ما تنوّد
ما تنوّد والخطا ما هو خطاك
يستحق الطيحه اللي ما تجوّد
ما تجوّد من تجود في عصاك
خطوتك عجلى وخيلك ما تهوّد
ما تهوّد وانت تسقيها ظماك
لين رمل عظامها سوس ودوّد
دوّد النخل وتمر عمري عطاك
وانحنت قاماته الخضرا تـأوّد
ما تـأوّد طربه تلبي نداك
هدها قيظ المشاعر يا معوّد
يا معوّد لا تطول في جفاك
النوايا البيض لا شابت تسوّد