.......! - علي السبعان
من هناك اللي قَبِل يصبح ( هناك)
كان فيّ هْنَا وكان اسمه هِنا
جا يقوْل لي: أنت وآخرها معاك؟
قلت: مثل اوّل! وقال: الله لنا
قلت: يعني؟! قال: يعني اللي خذاك..
وقمت اغنّي لو ماْانا راعي غِنا
قال: اباعْرِف بسّ قِلْ لي وش عطاك
فوق ما اعطيتك أنا؟.. ردّيت: انا
ضَحْك قال: ابشر ترى الرجّال جاك
من هِنا ،واشّر علَيّ، إلى هِنا
قلت: تبغى الصدق؟ طالَع بارتباك
هزّ راسه إيه.. وبْلهفه دنا
قلت: تايه.. من غلاه الى غلاك
مااقدر اجمعكم وَلا عنكم غِنى
يوم اكون هْنا بُودّي انّي هناك
ويوم اكون هْناك ودّي انّي هنا