أصدقائي - علي الضوي
عادل وصالح وبندر .. أحمد وناصر .. سعيد
أغلا سته صافحوني هالسنه لين سكنوبي
عادل اللي كل مآ اشوفه كأن الوقت عيد
عادل اللي أمشي دروبه ليا ضاقت دروبي
عادل المقهى وطعم "الباعش..ق" تحت الوريد
كان ثوبي غير ثوبه صار ثوبه نفس ثوبي
والا صالح .. صالح الفيروزي .. البحر العنيد
أصعد امواجه .. ودوبي ما وصلت أقصاه دوبي
وان تذكرت "الشمال" القاه جنبي .. مو بعيد
كل ما أقبل هالشمالي "بندر" السيّال صوبي
وانت يا أحمد .. وانت يالطيبه .. ويالراي السديد
والله اني بخير لا شفتك وتهدابي حروبي
بس ناصر غير .. غير الناس..كنه لي وحيد
لو حكوبي .. هذا صدره صار درعي لا حكوبي
وان تلفت ولقيت الوقت بيدٍ فوق بيد
سال غيثك .. ياسعيد الغامدي غيثٍ جنوبي
ناصر وأحمد وصالح _ بندر وعادل .. سعيد
ارجل اللي فساعة الفزعات هبو مع هبوبي
"سته" اغليهم غلا أبعد من حدود البعيد
من سكني حبهم كأنها سبعة قلوبي