مافتح رموشه - علي القحطاني
جاب لي مكتوب مندوب البشاير
جابها والليل مافتح رموشه
قلت هذا خط معدوم النظاير
مايجي مندوبه الا في غبوشه
جابها في جمس محفور التواير
لا مشى يرسم على الصحراء نقوشه
خذ جوابي وانطلق كالطير طاير
قبل ماشمس الضحى عندي تحوشه
قلت له غادر عسى دربك سفاير
في ودايع من رفع فوقك عروشه
تستوي الارباح عندي والخساير
إن زاد الجيب او قلت قروشه
لو سكنا في طويلات العماير
او سكنا غاب مسعوره وحوشه
المهم اجلس مع شمس الظهاير
لو كلينتون حطني قايد جيوشه