مطار الملك خالد ما أحبه ! - عمر المسفر
قلبي أصحك لايجي حبٍ جديد
مافهمت ألحين وش هو الإنكسار ؟
يعني : التغريب والحظ العنيد
يعني الله لا يوفق : ه المطار
ياخذ أطهر ناس بالحجز الأكيد !
ويرجع أخبث ناس في وضح النهار
يالله نسأل يالوطن هل من مزيد
أقفوا الغيّاب والشوق إحتضار
والحزن عايش على قلبي رغيد
والشجن يجتاح نظراتي بحار !
داخلي صرخه تطرزني نشيد
ربما تشبه معاني الإنصهار
تسحب اللهفه علي ثمن تعيد !!!
داخلي كل التناهيد الكثار
أدري أنك كنت ف الماضي حديد
لكن اللي مادريته بإختصار :
صرت تنبض داخلك حبٍ جديد
الله يستر هذا ثاني إنكسار