محتاج - عيضة السفياني
محتاج
والله عشان أحيا..
محتاج لي شيّ يقتل حياة أشيا..
محتاج بعض أحيان
حالة بدون إنسان
حتى أعيش ف كل شكل بشكل كل أحيان
حتى أكون ف كل شيّ بمثل مابغى أكون
محتاج لادراك الجنون
ياصاحبي محتاج
حالة قبول.. للسجْن / والإفراج
حالة فصول.. للبذر / والإنتاج
ف أوقات بين أوقات
محتاج خلع "الدين" فقد الذات
"حتى يصير الكذب صدق ف هالزمن ب الذات"
حتى يطيب العيش
مع كُثر مالك
كُل مَال مالك
وإن جاك مالك قول له ي إما مالك
ولا باقي كل مالك
أسفين وماعليش
م الله كتب لك عيش
بالله ياطبع أمس
جبلي معك مثلك رداءة نفس
تعبت بين الناس
أقلب أوجاعي
وأرجع وسيف الحق مشلول ب ذراعي
يارب
هذا الزمن مالي في ذنبه ذنب
ولا لي ف جرحه طب
الله
كم شيّ أكن محتاج له م القاه
محتاج لي راحة
بعد التعب والكبت
الأرض طراحة
وأوجاع صدري خبت
كم مات تفاحة
لأصحاب يوم السبت
يامالك الساحة
من همنا وش جبت
شفني بهالواحة
أذنبت يوم وتبت
لابد فيه أشياء
تموت لجل أحياء
(كم بيننا محتاج
وكم بيننا مالك
ومابين ه الإثنين
نجمع بعضنا وننقسم نصفين
نصف منا مالك المحتاج
ونصفنا محتاج ماللك)