لفيت فكري بالورق - فهد الغبين
عندما لفيت فكري بالورق واشعل مداه
شفت دوره فكر ناس ما نسميهم ملا
فيهم اوصاف الجنون وفيهم امال الغناه
وفيهم الياس الكبير وفيهم الوصل ان سلا
عندها دار الخيال وعاش بالشاعر صفاه
وعشت لحظه "غيم" تمطر في مدارات الفلا
للغلا اللي من عرفته ما عرفت الاغلاه
والغلا اللي ما يجي له لا حشا ماهو غلا
فاتن الفكر"المعتق" كيف يرميني حلاه
والحلا اللي ما يجي به "فكر" لاماهو حلا
دامني شاعر خيال ويحذف العالم وراه
ما سأل عن كيف يكتب لاكتب كله ولا
للعيون اللي هدبها ينسي الشاعر غداه
كنها لا رخت هدبها لي تقول اهلا هلا
نرجسيه غنج تلعب في خفوق(ن) من هواه
ما لقى الا سكرتين العشق والسكره بلا
شاعر ماطال حلم ولاسلى عن من سلاه
جا يعيش بفكر غيره كل ما "لف" وعلا
شاف شي من الجمال اللي يسمى منتهاه
وقال لا للصحوه اللي جتني بفكر اعذلا
شاعر عاش الجنون بمتعته وارخى وراه
كل باب للجنون اللي وصل له من الى
وقال لا للاسئله والشعر ذا في مبتداه
جا يقول ان الغلا فيك انت ياتي او فلا