دمع القلم وسكي - فهد الغبين

دمع القلم وسكي والاوراق له فم
يشرب به الشاعر من العشق كم كاس

والليله اللي تقهرك قل لها سم
دام الشعور الصاخب يجر الاحساس

هذا لاني فيك تايه ومغرم
وهذا لانك مثل شهقات الانفاس

احيان احسك تجري بداخل ادم
واحيان احسك غير عن كل هالناس

يا مالك كل الحلاوالحلا فم
في ضحكته لولو على الجمر جلاس

واوصال عنابك غدا موت محتم
والليل شعرك يجرح الليل بقياس

جرد شعور العشق لامن تلعثم
عرا الليالي يا اعذب العشق يباس

جيتك عنا شعور شاعر اليا يم
وجهه يجيه الشعر مع كل نسناس

جيتك غوا صعلوك ذابح ولد عم
وكرر خطاه بذبحه كليب جساس

جيتك شقا وشعور وامال تهدم
واوزان تكسر لجلها عيون نعاس

جيتك ابيك تلملميني من الغم
مجروح عشق وغاوي ساعه اوناس

جيتك اب اغرق غرقيني به اليم
محتاج الامس داخلك صف الالماس

ودام القلم وسكي والاوراق له فم
حرام لسكرلا سكر كل قرطاس