التوبة - فهد المساعد
تطيح دمعة واسلم للفضا موقي
وارفع يدين الذنوب وتظلم أعماقي
أشوف قبري يمر بوحشته فوقي
وتصير كل الحياة أضيق من أخلاقي
يا نفس طالت ليالي غينا فوقي
كم قلت يالله وقلتي تونا باقي
المزنه اللي تحن لغيثها نوقي
تعبت اخيلك واقول نياقي نياقي
تعبت ياما تعبت وضاعت حقوقي
ياما ندمت وردمت الذنب فـ اوراقي
ياما سكت وتركت البوح لعروقي
أخاف أسولف واخيب هقوة الهاقي
اخاف ابوح ويخون الصمت منطوقي
واقول شي يحث الناس لفراقي
يالله وانت الملاذ ان مسني عوقي
وانا ذنوبي جهد من راسي لساقي
يالله تغفر خطاي وترحم وتوقي
عظمي نهار الحساب وتقبل اعتاقي