الذيـب - ماجد الزيد
الذيـب لامنّـه رقـى مرقابـه
ثمّ(ن)عوى بالعويّة المشروعـه
ابليس يخنـس يندفـن بترابـه
خلفه شياطين الشعر مصروعـه
السيف مضرابه بسرس نصابـه
وسيوفهم من سيفنـا مقطوعـه
بدر الصبيحي ذيب نسل ذيابـه
من لابت(ن)ماهي تبع , متبوعـه
عيـال خالـد لابتـه واقرابـه
شدّو محازيم(ن) مهي مقطوعـه
تحيزّمـوا بالنّخـوة اللّهـابـة
قلوب الخوالد نخوت(ن) مطبوعه
وحق الذي ماجد بطـوع كتابـه
ذيب ٍ عوى بطويق نقتل جوعـه
المال يفنـى ماحسبنـا حسابـه
البث محجوزن مع المسموعـه
ابشر بعزّك لـو تبيهـا حرابـه
الجنّ يكسر غاربه من روعه