ردي على الحيزا - ماجد الزيد
يالخالدي لبت اسودن تلبيك
لبيه يالبيه لبيه تخرع
لبو لك الي كل ابوهم عزاويك
من الحساء للجوف لجبال المع
يوم انتخيت الحيز تبشر هقاويك
الحيز منها الموت الموت يجزع
ياحي صوت(ن)لاجل راعيه نعطيك
روس الرجال الي على المتن تجدع
حيزا حيزا لابلغتني ملبيك
تقشع اسود(ن)لاقشعت كود تمزع
والي خلق سبع(ن)ونا الذيب لاجيك
الفين فيلق تحت اياديك تجمع
ابشر بعزك كل ابونا بني خيك
ياوالله ان الارض لرضاك تشبع
ياراعي الحيزا سلامة مناديك
ابشر بعزك لو تبي الحكم يرجع
عطني الهدف والي رفع سبع لارضيك
والله ثم والله والله لافزع
لافزع كما ليث(ن)والايام تنبيك
لاوالله ان الدم لاطش تسمع
تسمع عن ليوث(ن)تدوس لمهاليك
تاطى الضرر اسرع من الطرف واسرع
تاطى على صفحة جبين(ن)يعاديك
من هولنا يرتج ثهلان يربع
سلامة الي كل ابوهم بني خيك
زحول واطين(ن)على خشم خفرع
سلامة الي كل ابوهم بني خيك
عز الله ان الموت لرضاك مطمع
سلامة الي كل ابوهم بني خيك
والله تقص ارقاب من شان مدمع