اصحاب الرّقيم - ماجد الزيد
عسعس الليل ُ البهيْم وْعوى ذيب النجيم
عوية ٍ قد زلزلت جال ٍٍ وهـدّت رجـوم
ايْه ِ ياذيب الوفاء وانت للخالـي نديـم
والله انّ عْواك كيّه على دهـر مْحمـوم
يسمع عْواك اللذي نازل ٍ روضة خريـم
يقرع بقلبه كبرق ٍ شلق ثـوب الغيـوم
عويتك ياذيـب عنّـي توصّلهـا لريـم
قل لها الجبري عن الغيّ يالتّرفه يشـوم
الهوى ماهو خواطـر يصدّقهـا غشيـم
قـد كتبهـا واحـدٍ زارع ٍ فيهـا لغـوم
ذا ونا في بطن وادي كأصْحـاب الرقيـم
خاليبْ أْرضي وعيني جفاها كـلّ نـوم
إن غفت شفت الشّياطين في ساقة رجيم
كلّهم مـزور بعيـن ٍ عساهـا للسهـوم
عذت بالله فالق البحـر بأمـره للكليـم
مُغْرق ٍ فرعون مهْلك هل الرّس وسـدوم
من شرار ٍ كلّ مبْعد عن الشـرّ الضّريـم
يتبعون المعتزل فتنـة ٍ قامـت تسـوم
في سنين ٍ اذهلت صاحب العقل الحليـم
من تساوو في عيونه عرب فرس ٍ وروم
صُدّق الكاذب وكُذّب صـدوق ٍ مستقيـم
والأمين وْخوّنوا فيْـه والخايـن لمـوم
و الرّويبض تافه النّاس يضرب بالصّميم
الاّ يضرب في صميم امّة مْحمد عمـوم
اللكع سيّد وسـادات يعـرب كالحريـم
والجبان مْقدم ٍ بـأول الصّـف ويـروم
ويْش اعدد والله انّ الدّهر هـرم ٍ سقيـم
وش بقى والحر هايب من البومه يحوم؟
كل ما فـوق الأديـم إلاّ يرجـع للأديـم
ثمّ ليومَ الفصْل بعث ٍ وله وقت مْعلـوم
يا عمرو يفداك شيخ المشايخ والزّعيـم
اوقد مْن النّار ما يحرق رجـال الهـدوم
شبّها بْروس العوالي تلظّـى كالجحيـم
منّها يلقى اللعيـن الحـرارة والسَّمـوم
اتخذت مْن الجنون الف معـراج ٍ قويـم
و الهموم انْ حوّطتني لي العليا تخـوم
راهب ٍ لي بالقفر صومعة عشق ٍ قديـم
و الزّباني وسط صدري وشِعْري كالحموم
والقريحة حين تزْفـر تغيّـظ كالحميـم
يسْجدون الجنّ قوم ٍ وراهم قـومَ قـوم
من حضرها طار له زهزجان ٍ كالصّريـم
لا مهي ْ يا لا للا لا لها طبـع مْحشـوم
ثم يجي قرم ٍ من قْرومهم فوق الظّليـم
(كلِّ ما يظهر تذكّـرت مقتـول ٍكتـوم)
من رحل عنْها وهي للئيم ابـن اللئيـم
ذاك لو ظلّه خضع غيّب الشّمس بْهجوم
بنت ياللي تنشدين , القريشي! ما يقيـم
بين ناس نْفوسهم طبعها طبع الرّخـوم
ذا ونا مالي بوجهي خصيـم ولا غريـم
اوالله انّ مالي عدوْ بيّـن ٍ حتّـى اقـوم
اوّالله انّي يوم اخاوي اجي قلب ٍ سليـم
اوالله انّي ما اشيل الضغينة فـوق يـوم
قد جعلت العقل شعر ٍ لكلْ عقـل ٍ فهيـم
والغبـا درع ٍ تدرّعتـه يْـرد الزّحـوم
وفي شعاب ٍ ما نزلها سوى فحل ٌ كريـم
يا سعاد ٍ والله انّي بهـا خالـي همـوم
القفر ماهو هذاك الخـلا بعْيـون ريـم
القفـر والله قـلّ المبـادي والسّـلـوم
ذيب يا ذيب الوفا ما عويت وْفيك ظيـم
عويتك والله تخْرس مـن بْفمّـه شلـوم