القسطل - ماجد الزيد
رأسي ياراسي تحت ظل القسطل ِ
والسيف في كفّي عليهم عرطلي1
من يشكي الحمى وراسه صادعه
الفيصل الفيصل دون لمسـطلي
مستعرب(ن) هيطل عرفنا ملّته
ماكر خبيثن نجس حقدن منـطلي
ونا الجسور الليث انّي قسوره
فتّاك هتّاكن فيا ويل الــطلي
ارسلت قافي للـ(.......) 2 منطلق
صفّاق خفّاقن سريعن ماطلي
كنّه الا شات السحابة قاذفه
تهدر هدير الجو منها جاطلي
تنثر سنابلها قنابلها رزم
ترزم رزم والقاع منها مقعـطلي
الحق ابلج فالجن في مارجن
ندفع به الباطل واذا به باطلي
هلا سئلت الليل وانصت ياخمد
ينبيك عن عبقر وجن الصاطلي
ارسلت لك من وادي عبقر شيصبه3
وارخصت لك خمسن بخمسن تنـطلي
فك القوافي خمسة احوال(ن) تخل
خمسن لفك القاف وخمسن عاطلي
ويش المهلي بغير داره لانزل
نحسبه اعرابي واذا هو هاطلي
فاحش بذي القول خطّه لارسم
فسلن هسل منسل وقحن اخطلي
ساير ببور العرب اشد من القتل
فتّان باصل العرب نبتة غيطلي
شلفاي من ساس العرب تب تقطعه
غصنن كلاه السوس بيدي يقطلي
قريب داني من الوطاة المنتدب
سوى سوى ولوهو طويل اشمرطلي
منفوش منهوشن وعظمه ناحلن
ياطق نصفينن بنبلن نيـطلي
لاهو من كرام العرب يوم(ن) فسد
اشعل مسد لفه جسد لا يطلطلي
ساقط يلابط اطّ بط لا يلتبط
يفغصه الابجر لا تحمحم معُـطلي
انّا اذا حل الضعيف بدارنا
غيثن تهاميّن بكفه يهـطلي
وانّا اذا حل الشجاع بدارنا
منّا وفينا بالشجاعة يصـطلي
وإنا اذا يمم بلاء لديارنا
كنّا المنايا نبطل المستبـطلي
وإنّا اذا الملهوف جا لمْدارنا
نحن ذوي الايمان منّا الخططّلي
وإنّا اذا كال الرداء بكيالنا
ترى المنايا في يدينا ترطلي
حنّا عيال قريش فاسمع وانتبه
من بهر السيل الجماجم يالــطلي