الملحمة اليعربية - ماجد الزيد

علمتـم ان نــور الله فيـنـا
فكفّـوا عنـنـا او ماعفيـنـا

أيـا هـذا فـلا تعجـل علينـا
واصبـر كـم يـوم ثـم نبينـا

ستعلـم ياسفيـه العقـل بـانّـا
بشهر الصوم في منهـج نبينـا

الاهـي اننـي صائـم وقائـم
ولـن ارفـث سـواة الرافثينـا

وبعد الصوم لي صوله وجولـه
مـع القيفـان تونـا مابتديـنـا

مضى التوقيت ووعدي في محلّه
وعيـد وموعـد ٍ لابـد يبينـا

اذا ماجبتهـا خمسيـن بيـت
تزلزل من بقلبـه لـي ظغينـا

وخمسين ٍ عليهـن فـي زيـادة
كتايب جيـش منّـا مخمسينـا

بيـوت ٍ منّهـن شيّـن مغطّـا
فـلا يفهمـه غيـر الواعيينـا

من الشهر الفضيل وباقي بكـره
وثم نطغى بـروس الساقطينـا

الا هبّـوا لنـا بفنجـال بـنـن
مزعـفـر اشقر(ن)يامهيليـنـا

بكيفن يجلى عنّي صداع راسي
ثلاثينـن وحـنّـا مخرميـنـا

ابي الفنجال من صين ٍ عطونـا
عطونـا كيفـنـا يالحاكريـنـا

عطونا مع تلى الفنجال سل كت
بكيت(ن)به نهـوت الخارمينـا

نوينا نصفـق المأفـون صفقـه
وحنّـا للقوافـي مصخريـنـا

بقلبي الـف ليـث(ن)او فقلبـي
هو الليـث الموثّـب بالعرينـا

الا ماجبت قـاف ٍ لـي سبكتـه
كما سبـك الذهـب للسابكينـا

نويناهـا قبـل يوميـن هجمـه
وصبرنـا الصيـام وصابرينـا

ولكنّـي بـذا اليـوم المقـدس
بعيـد الفطـر باتـل السمينـا

ولوهي وافقت بالعيد الاضحـى
ترانـا فيـه حنّـا مضحييـنـا

انا لاغـرت غاراتـي دميـره
كما الضربات بابـراج اللعينـا

معاني حاضرة في راس ماجـد
مصيبـة لارمينـا صايبيـنـا

ببين بعضها والبعـض خافـي
غطو يكشفـه عقـل الفاهمينـا

نهادي حين نرضى في وداعـه
تقـول انّـا خلقـنـا رايقيـنـا

ونطغى بالزعل بابليـس نفسـه
ونلعـن والديـن الطاغييـنـا

ومن يعدي عيلنا بـلا سبايـب
نعـبْـده البـقـر يالغافليـنـا

فلا نبدا الخطا فـي يـوم لكـن
خشوم المعتدي تـراب ٍ ملينـا

عيال العجـز يامهبّـل تعجـز
وحنّـا بالليـالـي معجزيـنـا

طحنّا الوقـت والايـام طحنـاً
ولا باقي سوى ابـن الارذلينـا

سمعت الّي يـذم سلـم القبايـل
يقـول ان هـمـج متخلفيـنـا

سقيطه من جلابيب الحضـاره
كبر عظمه بوسطـي كارلوينـا

الا يالفسل يابن الـلاش فاسمـع
مقالـه ماجـد ابـن الماجدينـا

فحنّـا خيـر امّـه بالبـريـه
ومنّـا خيـر كـل المرسلينـا

رسول الله محمد تـاج راسـي
فـداه النفـس ويّـا الوالديـنـا

جمع خير البشر ابنـاء يعـرب
معا عدنان فـي منهـج ودينـا

وثم اخضع جميع الكون طوعـا
ومن يأبى يقص منْـه الوتينـا

طعنّا في زمان السيـف طعنـا
يشق الجـال وحنّـا الطاعنينـا

ضربنا بالقنـا هامـات رومـا
جدعْنـا بالهنـادي المنخرينـا

بني عدنان او قحطـان يعـرب
سـلالات الرجـال الفاتحيـنـا

بيـوت العـز ماتبنـى بلانـا
وترسي كالجبال ان جـا حدينـا

صحيح ان البعض جهله مركب
يبينا نصيـر قـوم مشرذمينـا

ولكنّـا بفـضـل الله اخــوه
عـرب مستعربـه او عاربينـا

وقولوا للـذي يبغـى انتقطـع
ترى شاربـك حلساتـه علينـا

بني شنجول والطابور خامـس
لعـن بـي العمالـه واضحينـا

قنوات(ن)بـدت تظهـر علينـا
بدعوى الهجن مع ورث اولينـا

طبايخكم بدت تكشـف نراهـا
دسـم والسـم وسطـهٍ دافنينـا

ونـا ماعمهـا والرجـل يفهـم
وش الّـي نقصـده بالسابقينـا

صحيح انّا نعيش اليـوم حالـه
ظـلام ٍ فـي ظـلام ٍ معتلينـا

واعلـم بـأن اغلبنـا نيـامـاٍ
ولكـنّـا ماحـنّـا ميتـيـنـا

يجي يوم ٍ ويبدى العز ينهـض
ويعلـم كـل متشفـي اليقينـا

بـأنـا لاضربـنـا فاتكيـنـا
وانّــا لاصفقـنـا قاطعيـنـا

لنا في ساعة الهيجـاء شَرْطـه
على الموت الحمـر متعاهدينـا

وانا ما اخص ربعي بالمدايـح
جميع البـدو خيْـر ٍ لامضينـا

وش الّي مـزّق الاعـراب الا
دعـاوي جاهليـن الكافريـنـا

صحيح ان القبيلة خـط احمـر
ولكـن مافهمـهـا الجاهليـنـا

قبايلنـا كمـا سيـوف المنايـا
الا ماشالـت الاسيـاف ايدينـا

ولكنّـي ارى اقوام(ن)تمـنّـى
يمزق بعضنـا بعـض ٍ بيدينـا

صحيح انّي امجد سلـم ربعـي
وهـذا حـق ابـن الخالديـنـا

ولكنـي ارى كــل القبـايـل
نجـوم تـدل ناسـن ضايعينـا

الا انعـم واكــرم بالقبـايـل
جميع ابنـاء يعـرب اجمعينـا

ولامن مثلـي مجـد بالخوالـد
فهـذا حـق عنـد العالميـنـا

ولكني فلا انقص حق قـوم(ن)
جميع العرب خيـرن لاحكينـا

الا يابنـاء يعـرب فاسمعوهـا
وعوهـا وبلغوهـا اللاحقيـنـا

ترانا قصار عمر ابـلا بعضنـا
وربـي هالكيـنـن هالكيـنـا

الا كـم عاثيـن يبغـا حمانـا
اشوف عدانـا جونـا حايفينـا

كتايب بـوش فالقـرب ونونـا
مع الفرس المجـوس الحاقدينـا

ترى الدعوه مهي حنّـا وحنّـا
علـى حـد الكرامـه عاديينـا

وهي لاوصّلـت حـد الكرامـه
نهضنـا كالليـوث محاربيـنـا

الا يابنـاء علْمـن يالسقـاطـا
دسـايـس بينـنـا متلبديـنـا

نحسب انكم على العدوان معنـا
واثاريكـم علينـا ثـم عليـنـا

خسيتوا الف مره بالـف مـره
والـف الف(ن)والـف امئلفينـا

اخذنا المجـد والعـزة طبيعـه
ربيـنـا بالليـالـي ماجديـنـا

والا سمعنا صهيـل ٍ للكرامـه
بلمـح البـرق جينـا فازعينـا

سمعت اليوم صوتن في عربنـا
كبيرن عود ينخـى الشاعرينـا

الا فابشر وخذ خطّـن مسطـر
على طرس الورق لك باعثينـا

فطمْنا بالكرامه مـن صغرنـا
رضعنا المجد غير الراضعينـا

اذا صـاح الوليـد وهـو منّـا
جبال لصيحتـه تغـدي طحينـا

لانّـا مسلميـن ونـعـرف الله
ولامنـه دعـا الداعـي وفينـا

عزيزين النفـوس ولا خضعنـا
لغير الله فـلا احنـا خاضعينـا

فلا والله يخضـع راس احدنـا
لغيـر الله خسـوا هالواهمينـا

الا يالعنبـوا عيـال الهتـايـت
الا اخسوا ثم اخسـوا خاسئينـا

خسيتوا ياجلابيـب العصايـب
خسيتـوا يالحفـاة المدعيـنـا

بني الارجاف ربـي لارفعكـم
الا ياهالسـقـط يامنافقـيـنـا

فـلا والله بانكـم روس قـوم ٍ
ولا حتـى بشسـع الناعليـنـا

الا تفوه(ن)عليكـم يالوضاعـه
تفوه مـن بصـاق الاكرمينـا

الا ياشبـاه عبـدالله السلولـي
لعـن قوم(ن)بدربـه ماشيينـا

فعايلكـم تقـول انهـا فعولـه
ولو بـن كـم ولدتّـم مسلمينـا

هذاك محارب(ن)للديـن واهلـه
وانتـم مثـل حربـه موقدينـا

ولكنّي بقـف ماقـف رواحـه
مع الحـق بالقصايـد واقفينـا

تعدينـا مـدارات الكـواكـب
وانتـم بالـرمـل متمرغيـنـا

ملئنا الجو حتـى ضـاق عنّـا
وخلينـا الـثـرى للأسفليـنـا

نجوم(ن)يستدل ابهـا الحيـارى
وهـذا شانـنـا يالمظلميـنـا

اذا انها بالقصايـد حنّـا اهلهـا
واذا بالفعـل نحـن الفاعليـنـا

وكل هذا وتبـون انّـا انتخـدر
مساكين(ن)رفـع عنكـم ولينـا

الا ولّـو قلعكـم وقتـي عنـي
كمـا قلعـة حصـاة القالعينـا

مضى هذا وخذ باقي قصيـدي
الى شبـه الجزيـرة قاصدينـا

سلامي يابني يعـرب معطـر
بريح الورد والكـادي الثمينـا

ســلام خـالـديٍّ للـبـدايـد
قرايـب او فقومـن مبعديـنـا

فــلا والله بالدنـيـا مثلـكـم
عزيزيـن النفـوس الشامخينـا

بكم يزهـى قصيـدي ياعربنـا
يجـي وافـي لقـوم ٍ وافيينـا

انا اشهد بان ربي قـد عطاكـم
سموت الطيب والعـز المتينـا

وانا اشهد بان ربي قد كرمهـا
لحاكم عـن عذاريـب السنينـا

ونـا مانـي مكثـر بالمدايـح
غنـيـن ٍ بلـيـا المادحيـنـا

ترى بعض الغلا ماهو يوصـف
وبعض الحب مالـه واصفينـا

ومثلـه حبّـي ياشمّـا لمثلـك
عجز يوصفه فكـري يالظنينـا

عشانك قد عشقت الشين والماء
وكـل هـذا لازلتـي تعذبينـا

الا ياشمّـا حصّنتـك بـربـي
عن عيون الحسـد والناظرينـا

فخافي الله باهـل البـر خافـي
غدو بالـوادي قـوم امجندلينـا

الا كم ضيّعت ليـث ٍ طموحـه
غدى باسبابهـا مـن الغاديينـا

وشوفي حالتـي اثبـات حالـه
بلحظـك مـع عـداد الميتينـا

الا فانعيني فـي كـل القرايـا
وخوذي رثـاي ويّـا الراثيينـا

سقى الله قبر ماجد في سحابـه
تصب الماء طهـور المذنبينـا

والا مريتي في صحصاح قبري
فرشّي الـورد بيـن الشاهدينـا

ولاتشقي علي جيـب اللطيمـه
اخاف يجينـي ذنـب النادبينـا

علي رحمه ولك صبر ٍ جميـل ٍ
قتلتيـنـي ســواة القاتليـنـا

(مضى اسمع جميع وبعدها شف
وأوّل درب نمشـي بـه يقينـا)

وهذا واحفظوا قـول القريشـي
ووصوبـه سلايـل قادميـنـا

وصلى الله على سيـد قريـش ٍ
ابـن عبـدالله أغـر الجبيـنـا