وش حيلتي - مبروك بن ماضي
لاتساليني عن غيابي حصل كيف
غصبٍ علي يابنت مانيب راضي
وش حيلتي دام الزمن له تصاريف
لو ينشكي لاشكيه عند ألف قاضي
لا تصدقيهم عيب يابنت ياحيف
كل الكلام اللي يقولون فاضي
حكي العواذل دايما كذب في زيف
معقول ينسى من يحب (إبن ماضي)
والحب واضح مايبي زود تعريف
قايم على ساس الوفاء والتراضي
وراع الهوى مسكين يابنت وضعيف
هايم على وجهه بكل الأراضي
يتذكر الأحباب ويسامر الطيف
ويعيش حلم الواقع الأفتراضي
والبعد عنّك يابعد روحي مخيف
لكن رفضي مانفع وعتراضي
من غيرك أنتي يل طف الجو تلطيف
لي من حضرتي زال كل إمتعاضي