رغم التعب - متعب التركي

رغم التعب والتناقض منزلك عالي
لو كنت في خطوتك تكثر تعاريجك

عنيد لكن عنادك حيل يحلالي
ولو كان للعند تاج اعلنت تتويجك

لكن ترفق وشوف وجيه عذالي
تفرح،،تأيد صدودك لي وتحجيجك

يكفي تشوف بعيونك ثوبي البالي
اللي تمزق تحت قسوة كرابيجك

حزين رددت للاحزان موالي
وانت اتغني فرح واسمع اهازيجك

لازلت احبك ولكن وعد يالغالي
لابد،،،اوقف دعاباتك وتهريجك

وإن كنت مهر ولا روضك خيالي
جيت وعلى جثتي عسفك وتسريجك