لأني أحبك - محمد السبيعي
يا دانتي ما كنت أدوّر لي عتاب
على قليلك ف الغرام ، وكثيري
بالعكس ادوّر لك على قلّك اسباب
واعذرك وأربط في مصيرك مصيري
لأني أحبك ، ما سواك انتي احباب
عندي ، ولا عندك محبّين غيري
لكنّك الله يصلحك كل ما طاب
قلبي بـ( حبك ) ، وإهتنيتي ب خيري
خذاك قلبك يا عنيدة ، ولا جاب
إلا التعب لي ، كنّ ماهو عشيري
بس ما علينا قفلي دونه الباب
اقصد عنادك ، ولا خافقك طيري
اخذيني بـ/ قلبي بقى شوي وارتاب
لا يختلف فـ( الحب ) سيرك وسيري
إبكي ليا خذني من ايامك غياب
وليا بغى يآخذ ولهك استخيري
إطغي بحضورك إسلبي لبّ الاعجاب
واذا بغى غيرك ينافسك غِيري
وإستشعري بأني بدونك بلا اصحاب
ما كنّ في هذا البلد حيّ غيري