غاية وصل ! - محمد السبيعي
ما لـ( الحزن ) غير القلوب النبيلة
لو غاب عنها ، ما تحمّل وجاها
تشتاق له ، وتحنّ له كل ليلة
ويموت فيها ، ويتنكد بلاها
لو ما عطاها من كثيره ، قليله
ما بلّ يابسها ، ولا اروى ضماها
لو ما هجدها لين يشفي غليله
اصبح عليها الصبح ، تطلب رضاها
لو ما ترك همّه ، ودمعه ، وويله
فيها ، تشك إنّه عشيق لـ( سواها )
لو ما بعث فيها وصاله ، قتيلة
لو ما قتل فيها غيابه ، نعاها
لو ما تكرّم بالزيارة ، بخيلة
لو ما عطاها ، ما تجود بـ( عطاها )
لو ما خذا منها حضوره ، جميلة
لو يآخذه ، ما كنّ ربي حلاها
لو حبّها ، وأكرم نزلها ، خليله
لو صدّ عنها ، تحسب إنّه خطاها
غاية وصل تبحث عن اية وسيلة
قصة عشق تثمل خفوقٍ قراها
حكيتها لـ( أهل ) القلوب النبيلة
ما به حزين بـ( نُبْل ) حزني حكاها