حبّيني أكثر - محمد السبيعي
جينا أنا ، وإحساس شعري ، وشوقي
نطلّ من خلف الستاير والأبواب
إصحي عشاني من سباتك ، وفوقي
خلينا نفرح غير عن كل الأحباب
عدّت سنه من يوم حلّق خفوقي
في جوّ حبك ، وإنفتح للفرح باب
وأمطر سحاب إحساس قلبك ف( موقي )
تبين له لمعه على سود الاهداب
وإعشوشبت روحي ، وفاضت عروقي
بالفرْح وانواع المحبّه والإعجاب
وإنزاح همّي ، وإنكشف سرّ عوقي
واللي ب( قلبي ) من جروح الزمن طاب
جيتي على كيفي وشفّي وذوقي
عليك من عين الحسد ستر وحجاب
بك يبتهج قافي ، وتحلى طروقي
وأحبّني ، وأموت فيني ، ولا أرتاب
حبّيني أكثر ، وإسفهلّي ، وروقي
وإنسي معي همّ الليالي والأتعاب
بأسوق لأجلك كل عمري ، وسوقي
لأجلي جميع أغراب قلبك ، والأقراب