مريول الأوجاع - محمد بن ساقان

وصلت انا بي لـ مرحله اني اجتاز
العالم اللي من ورى الباب مجهول

شفني مع الدرفه على شكل برواز
وجه ٍ تمره بـ السنه عشرة فصول

كم لي وانا أستر دمعة الجوع لا (أعتاز
قوته) وأنا اللي ما ستر جوعي همول

مشلول من فقري والاحلام عكاز
وياكم على الدنيا من الفقر مشلول

والمسأله: ماهي فقر لا ولا أعجاز
ولاهي بـ لا معقول من شي معقول

المسأله:( مريول الاوجاع لا باز
من وين اجيب لـ قد الاوجاع مريول)

فواز تكفى بس لا قلت فواز
تعال بـ علّمْك وش تعني: (أحول)

تدري وش أعظم حاجه بـ عين معتاز
(انه يصير لـ عين حاجته مذلول)