روز - محمد بن ساقان
روزنامت دفتري والمحبره
امتلت من احرفك ياميتّي
راواو وزين يعني: قيمره
قصدي: بحكيي وأحائيتّي
روز ورده زهرتين وعنبره
كلبوها فيك يا ريميتّي
ياتبَعْثر ياعبث ياجمهره
يابرائه ضيّعت شخصيّتي
يا انعكاسات الضياء بمنظره
ويامرايا بيّّنت عكسيتّي
وياتريام الضبا يالمرمره
يافقر عمري وياماليتّي
مايحلي جفنك الا محجره
وما يميزني سوى عفويتّي
الحلا والملح ويا السكره
الثلاثه هي سبب أذيتّي
يعني : تسوي ترى بي شوشره
تلعب بحسبة كيان اميتّي
نيتي بك ضحكتين وقشمره
ومابلاني فيك الا نيتّي
هي معك ياميمنه ياميسره
والبلا الثنتين تعني جيتّي
العبي مابين نوني وانظره
واسهري بالطرف ولا بيتّي
واحضنيني بين ذنب ومغفره
واتركيني في عواقب سيتّي
واهجريني بين جرح ومعذره
واللحقيني ميسمين بكيتّي
وغيّبني بين مس ومسحره
واذكري بان العنا ماريتّي
والله يبيحك وانا بستفغره
بس امانه مَعْك ياحوريتّي
التغنج والدلع والبختره
لاتسويها معي ياميتّي
لاني اليا شفت هذا الغندره
قمت اذب عقالي وطايقيتّي